ياللي عباتج دمروها بإتقان

ياللي عباتج دمروها بإتقان
لابوج لابو من شرالج إياها ..
ضحك عليج مصمم وشيطان
خصر عباتج والردايف براها ..
دانتل وجلد وقصايص وألوان
البنت تطلب والخبيل اشتراها
كنج سقيطة طلعوها بإعلان
تلبس ملابس المراقص تباها ..
غابت الأخلاق يا بنت الأوطان
صرتي بضاعة ، الثعالب وراها ..
ضاعت عباتج .. حولوها لفستان
وحزام يفصل وسطها عن علاها ..
جبتي مصمم من فرنسا ولبنان
حارب ثقافة الرسول ابتداها ..
مانتي شرا حفصة وذات النطاقان
والزوجة اللي الرسول ارتضاها ..
وماظن هالأشكال تنجب ك عثمان
وما ظن مسلم في حرمته رضاها ..
ويا كيف تقرأ المصاحف وقرآن
وتمشي تمايل في مراكز هواها ..
ستروا أهلكم اسمعوها يا اخوان
السوس ينخر والشريعة عصاها ..
ضاعوا وضعنا من مراكش إلى عمان
وأول ضياع المسلمة في عباها


لا ادري كمن قائلها لكنها جميلة.